قصة اَم الشخاليل - عودة النداهة

قصة رعب قصيرة

اَم الشخاليل - عودة النداهة

لـ محمد نور

…………………………………………………………

…………………………

" من صغري وانا اسمع عن الريف المصري اجمل حاجه في مصر حلاوتها في الزرع الاخضر مع صوت العصافير وكمان مع الترع الصغيره بس ممكن ده كله في ثانيه يتحول للجحيم بسبب النداهة يعني انثى من الجحيم او بمعنى تاني انثى الشيطان "

… … … … … … … …

انا اسمي " اياد " .. طالب في جامعه الحقوق اللي في اسوان وكمان بيتنا في اسوان بس بيت جدي في كوم امبو بتحديد في " نجع شقاروة "

اياد : كنت لسه مخلص امتحانات 

وقررت ان اسافر عند جدي تاني يوم ركبت 

العربيه ورحت عند جدي سلمت على جدي 

وعلى " يوسف " ابن خالتي " يوسف " ابن خالتي 

قال لي ايه الغيبه الطويله دي رديت 

عليه وقلت له امتحانات بقى 

يوسف : طب يلا بينا على القهوه

اياد : ماشي بس شويه مش دلوقت كده يوسف 

صمم ان احنا نروح دلوقت قلت له يلا بينا 

واحنا قاعدين على القهوه القصه تبدا من هنا سمعت 

اتنين على الترابيزه اللي ورايا واحد 

فيهم بيقول لي التاني " ام شخاليل " 

رجعت تاني التاني رد عليه قاله صح والله 

يا ترى هتاخذ مين المره دي 

شدني الاسم بصراحه دي مين " ام الشخاليل " 

دي بصيت ليوسف مين " ام الشخاليل " 

بصلي وقعد يضحك 

يوسف : دي اسطوره النداهه اكيد سمعت عليها 

اياد : رديت عليه وقلت له ما تحكي لي عليها

يوسف : قال لي لا اللي يحكي لك عليها

صح جدي لاني جدك حصل معها حكايه

اياد : اخذت يوسف روحنا البيت وقعدت 

مع جدي انا عايزك تحكي عن " ام الشخاليل " يا جدي

جدي : حكايه ست دي من زمان حسبت يعني كده 46 سنه 

كان بيتها في اخر " نجع الكباير " 

اي احد من اهالي نجع واي احد كان عايز سلفه 

منها ترجع لها بزياده 

يعني مثلا اللي ياخذ منها 500 لما يحب 

يرجعلها يرجعهليا 700 يعني كان 

البنك المركزي في يوم تلات شباب خطفوها بس كانت لابسه ذهب كتير قوي اخذوها طرف النجع عندنا موتوها اخذو الذهب كله اللي معها ورموها في القصب كنت راجع في يوم من الطاحونه وكنت راكب على الحمار وانا ماشي بالحمار حسيت ان القصب كله من حواليا بيتهزروا بيشخلل كان معيا في جيبي مصحف صغير ظهرت واحده كانها طيف وبتشخلل من كثر الذهب اللي كان عليها الحمار واقف مكانه متحركش شغاله ترقص وتتمايل فجاه لفخت الحمار بالقلم خلتو يلف حوالين نفسه وانا شغال اقرا في القران الدنيا كلها هديت ورجعت على البيت وما قلتش لاي حد على اللي حصل معيا وكمان في حكايه تاني بس طويله شويه 

اياد : رديت عليه وقلت له احكي لي يا جدي

جدي : خالك " حمدان " كان ليه حكايه معها كبيره قوي انت طبعا ما تعرفش خالك " حمدان " مات ازاي لانك انت اصلا ما كنتش تولد اسمع يا سيدي كان خالك " حمدان " واحد صاحبه ماشيين في الطريق اللي هي  نقتلت فيه بس كانت الدنيا هادئه وصاحب خالك فجاه ساهم خالك بيقول له ملك انا سامع حد بينده علي كانك مش سامع اي حاجه امشي انت وساكت وبعد ما خالك " حمدان " روح البيت شكله كان غريب باقول له ما لك قال لي ما فيش يابا بس تعبان شويه وعندي صداع هيكسر دماغي دخل عشان ينام وعلى الساعه 2 بالليل سمعنا بيصرخ قلتو يا ابني ما لك فيك ايه قال لي يابا شفت حلم او كابوس لا بس انا شايف ان دي حقيقه وحد الله في قلبك وقلي ايه اللي حصل كنت لسه بروح في النوم شفت خيال نازل من السقف واقف على طرف السرير مسكني من رجلي بس شكلهو تحول لواحده ست وكانت رجلي مولعه نار وبتقول لي " انت ليه لحقته مني يعني اعرف من كده انك انت تقدم نفسك قربان انا كنت عايزاه هو مش انت . . وانت دورك كان جاي بعدين بس انت وبغبائك خليت معادك يقرب " هههههههههه وشغال تضحك بطريقه وحشه خالص مخيفه يابا بعد كده في ثانيه مسكتني من رقبتي وانا شغال قول يارب يارب يارب لحد ما انت وصلت هنا وصحتني بس احنا سمعناك بتصرخ شغلت قران في كل البيت لحد الصبح 

اياد : جدي قطع الكلام وقال لي انت بتكتب ايه انا بكتب اللي انت بتحكي لي يا جدي عشان ابعتها بس اللي الاستاذ احمد يونس على الراديو رد علي جدي بس غير في اسامي النجوع والناس رديت عليه قلت له حاضر يا جدي كمل بقى 

جدي : كان يوم لما خلك صحي كان تعبان وشكله كان بيحارب مع الموت يا " حمدان " يا ولدي كل ما انت تقرب لربنا هيبعد عنك كل شر . . عدي اسبوع عادي خالص كنت قاعد على الكنبه اللي احنا قاعدين عليها دي شفت ناس بتجري عند ترعه اللي في اخر النجع رحت اشوف ايه فيه شفت خالك " حمدان " غرقان في دمه ميت 

اياد : انا طبعا انصدمت من الحكايه دي وعلى كده خلصت يا جدي 

جدي : قال لي ما خلصتش لحد هنا من بعد كده حصلت حاجه غريبه شفت خالك في حلم كان واقف في المقابر مع واحده ست كانت ست في منتهى الجمال بعد كده شكل ست تحول لكائن لونه اسود طوله مترين وعينه كانت حمراء وكان عنده اربع ازرع مسك خالك ورفعتو من على الارض وشغال يضحك ويضحك ههههههههههه والمفاجاه بدون استثناء قطع ذراع خالك الاثنين وقطع رجليه الاثنين وبدون استثناء برده تربه كانت مفتوحه رمت فيها خالك وبدون استثناء رجعت زي ما كانت انا كنت مشلول مش عارف اتحرك ببكى وصوتي مش طالع كان في الشيخ جارنا في النجع رحت سالتو وقلتو له ولدي " حمدان " بيجي لي في احلامي رد على وقال لي هو عايز يوصلك رساله معينه تاني حلم شوفت ان انا واقف في الممر كله ظلمه وسامع صوت خالك " حمدان " بيصرخ وبيبكي شفت باب وخارج من تحتو نور احمر ولما فتحت الباب شفت خالك متعلق في حبل مشنقه جسميو كله غرقان في الدم كان بيتعذب قبل ما يموت حسيت نفسي برجع لوراء وانا اصلا مش برجع لوراء طلعت من الاوضه والباب اتقفل في وشي ومعه قافله الباب في وشي انا صحيت من النوم  والحلم الثالث اصعب حلم خلاني عرفت ابني مات ازاي شفت نفسي واقف اخر النجع مزارع القصب من على اليمين وعلى شمالي وفي ترعه صغيره في اخر الشارع الدنيا كانت ظلمه على نور القمر ومع صوت المطر المخيف والبرق والرعد شفت خالك " حمدان " واقف وبيديني ظهره وانا واقف وراه بحوالي 10 متر طلعت واحده من زرع القصب وقفت في وش خالك وسامع خالك بيقول لها انت عايزه مني ايه وبيبكي ويترجاها انها تسيبه اترفعت عن الارض وكانها طياره مزارع القصب بقى يتهز بيطلع منه الملايين هياكل عظميه تتحرك خالك بيجري يجري يجري والهياكل بترمح وراء وهي طائره فوقيه وهو بيتلفت لها تكعبل في حجر وقع في الترعه ودماغه جاءت على حجر كبير والهياكل العظميه كلها اتلمت عليه بعد كده قاعدو ينسحبو واحد واحد يخشو القصب تاني .. .. دي كانت نهايه خالك فتحنا القبر بتاع خالك وطلعنا الجثه والطبيب الشرعي قال نفس الكلام اللي انا شفته في الحلم دي الحقيقه يا ابن خالك مات بسبب النداهه
………………………………………
…………

اَهداء إلى اللي خلاني بحب مجال الرعب . . !
أدكتور - أحمد خالد توفيق