قصة راقصات أرض الجحيم - محمد نور

قصة راقصات أرض الجحيم

" ساعات بتعيش حاجات حقيقيه ميه في الميه بعد كده تكتشف كلها وهم "

خلينا نخش في الموضوع على طول. انا اسمي " نجم الدين " عندي 27 سنه في يوم كنت قاعد في البيت واحد من صحابي رن علي اسمه " حماده " ايه يا " نجم ؟ " ما تنساش فرح اخويا السبوع الجاي. خلاص تمام يا " حماده " ماشي بعد كده قفلت التليفون وعدى يوم والتاني والتالت المكان اللي ساكن في " حماده " مش بعيد عننا اللي بيني وبين البلد بتاعت " حماده " تحسها كلها صحره بس بعيد منها العمار يعني 5 كيلو بيننا وبينو. ويوم الفرح جاه وعلى الساعه 3 العصر اخت العربيه بتاعتي وتوكلت على الله. الطريق كان طويل قوي بصراحه. فجاه من العدم ظهرت بنت في منتهى الجمال وكانت بتشاورلي بطريقه جنونيه وقفت العربيه وقلت لها اي مساعده ردت على وقالت. ممكن تخدني معاك في طريقك ؟. تمام ماشي اركبي ركبت جنبي في العربيه وزي ما قلت لكم بنت في منتهى الجمال كل اللي كان في دماغي هي ازاي كانت لوحدها هنا ؟ صمت تام مش بتتكلم خالص بصراحه نفسي اعرف حكايتها ايه ؟ ببص عليها بطرف عيني كانت بتبص علي بطريقه غريبه جدا فأبتدت تتكلم قالت لي. انا عارفه انت بتفكر في ايه دلوقت ؟ ازاي بنت زي كده قاعده في طريق لوحدها بالشكل ده ؟ ازيك انا اسمي " سماهر ". رديت عليها وقلت لها عاشت الاسامي يا ست " سماهر " وانا اسمي " نجم " بس انتي ما قلتليش رايحه فين او هو فين بيتكم اصلا ؟. لا انت خليك ماشي على طول. وانا كنت بصصلها ومسحور بجمالها وفجاه وبدون سابق انذار عجله من العجلات بتاعه العربيه شيعت والعربيه اتقلبت بينا وعينك ما تشوف النور الدنيا كلها من حواليا ضلمت وسامع صوت من بعيد بيقول لي " يا نجم يا نجم " الصوت ده كان صوت " سماهر ". الحمد لله ان انت كويس. هو ايه اللي حصل يا " سماهر ؟ ". لا ولا حاجه العربيه بس تقلبت بينا هههههههههه. العربيه اتقلبت بينا وبتضحكي قمت مع " سماهر " وخرجتني بره مكان غريب وعجيب المكان كله صحرة وعيش في كل مكان وناس كتير قوي بس لاحظت ان البنات اكتر من الرجاله. قالت لي انت تمام دلوقت عشان تحتفل معنا الاحتفال السنوي بتاعنا. قلت لها خلاص تمام ماشي ححضر معاكم الاحتفال حسيت نفس دايخ بصراحه قلت اريح جوه العشه منظرها غريب من جوه هي الناس دي زاي عايشه كده ؟ وعيني غفلت. شفت حلم غريب او هو الكابوس بس غريب جدا والعشش كلها مولعه نار وغربان سوداء مغطيا السما. وكان في جبل كبير قوي ظهر من وراء كيان كبير قوي اسود. قعد يتكلم بطريقه غريبه جدا مش فاهم منه ولا كلمه بصراحه. بعد كده قعد يصرخ فجاه هبت عاصفه شديده قوي. بعد كده انا قمت من النوم ولما قمت من النوم كان في عاصفه بره بالفعل. ولما طلعت بره ملقتهاش زي اللي في الحلم كانت عاديه عدت بسرعه. شفت " سماهر " هي وبتحضر المراسم بتاعه الاحتفال وحطين في كل مكان شعله نار وحاطين شموع كتير قوي في كل حته. فجاه سمعت بصوت واطي " احتفال الجحيم الليله " الصوت ده ما كنتش عارف جاي منين. رحت عند " سماهر " سالت هو الاحتفال هيبتدي امتى ؟ ردت على وقالت لي. على بعد العشاء. تمام ماشي لسه الجو بدري على العشاء قلت اخش انام جوه شويه لحد قبل العشاء ودخلت بالفعل نامت. مش عارف فات قد ايه ؟ بافتح عيني لقيت نور احمر جاي من بره وشفت " سماهر " داخله على وكانت بتقول لي. قم خلاص الاحتفال ابتدا. حضرت نفسي وطلعت بره عشان احضر معهم الاحتفال لما طلعت بره شفت اغرب حاجه شفتها في حياتي كانوا لابسين لبس غريب وشموع في كل حته كان الصحره كلها منوره منور النار. وفي لحظه ظهر الراجل اللي انا شفته في الحلم ضخم جدا كان صوته تخين قوي الكلمه واحده بس " الان احتفال الشيطان " البنات كلها شعرها ولع والعشش كلها ولعت بس ما كانش في اي احد حاسس في اي حاجه غيري انا البنات اتحولت كلهم لهياكل عضم بس النار مولعه فيهم. وكل الناس بدون سابق انذار هجمت علي قعدت اقول يارب يارب لو حلم اصحي منه يارب غبت عن الوعي. بافتح عيني شفت نور الشمس وكنت نائم جنب العربيه وانا في وسط صحر مش شايف اي حاجه غير الرمله صفراء مش عارف اللي حصل معي ده حقيقي ولا وهم ؟ حتى لو كان حلم بس عشت بكل تفاصيله حاسس ان هو حقيقه بالمللي . . . ركبت العربيه وكل اللي في دماغي اعرف ده ايه ؟ شفت قريبه من المكان اللي انا كنت قاعد فيه كان في جامع على اول القريه دي شفت راجل كبير في السن. رحت للراجل وسلمت عليه شكلي تعبان جدا. فسالنى مالك يا ابني. حكيت لك الحكايه كلها من البدايه لحد النهايه قعد يضحك بطريقه غريبه جدا رد على وقال لي. يا ابني اللي انت شفتهم مش بشر ؟ اللي انت شفتهم من اهل الجحيم البنات دي بنات الشيطان قل الحمد لله ان انت طلعت عايش . . . . .